O Club Ciclista Correcamiños realiza ao longo do ano distintas actividades.

MARCHA BTT "SAN FROILÁN"

Como xa saberedes a estas alturas, o noso club organiza desde o ano 2.000 unha marcha cicloturista en bicicleta de montaña coincidindo coas nosas festas patronais polo cal bautizámola como "Marcha BTT San Froilán".

Non pretendemos organizar unha marcha multitudinaria e por iso limitamos o número de participantes para poder garantir a todos unhas boas prestacións por parte do persoal da organización. Por este motivo nalgunha ocasión debemos rexeitar algunha solicitude de inscrición, pero cremos necesario fixar este límite para que todos gocemos dese día.

Coma sempre, trala ruta degustaremos todos o tradicional polbo con cachelos para celebrar a festividade do patrono da nosa cidade: San Froilán.

 

RALLIE BTT CONCELLO DE LUGO

Desde o ano 2002 e durante 5 anos realizamos esta proba de competición enmarcada dentro do Open Galego de Rally, para ter unha cita coa competición na nosa provincia. Na actualidade, estamos tentando organizar probas que atraian a máis xente ao mundo da competición e que ao mesmo tempo segan a convencer aos que xa competían.

 

¡¡ CONTAMOS COA VOSA PRESENZA !!